ليلة الحناء الخليجية.....للعروس

من طرف **ريانية العود** الخميس يونيو 30, 2011 3:35 pm

اخباركم ان شاء الله بخير ؟؟!!

اممم حبيت انزل لكم موضوع عن تقاليد كانت قديمه وموجوده للان صحيح صارت نادره بس الحمدالله ماندثرت يعني لين الحين موجوده عند دول الخليج وبعض الشعوب العربيه ..

مثل الهند والامارات وحتى بالسعوديه بالشرقيه موجوده والكويت واغلب دول الخليج

ماطول عليكم

موضوعي عن ليله ماقبل ليله الزواج وكانت تسمى ب((ليله الحنا ))

تقريبا نفس الطقوس عند الكل اذا مو بالضبط فـ تتشابه...

تعتبر ليلة الحناء من أهم معالم الزواج في الدول العربيه وفي المجتمعات الخليجية وهذا الليلة تسبق ليلة الزفاف بيوم أو يومين وتحرص العروس فيها ارتداء ملابس الحناء التي غالبا ما تكون خضراء اللون ذات تطريزات ذهبية كما ترتدي قطع الذهب المختلفة مثل(الطاسة ،المرتعشة ، الحيول)

ثوب الحنة في القديم كان عبارة عن قطعتين الثوب (الكندوره) المخصره مع (الصروال) أو الثوب (النشل)، وكان اللون الوحيد هو الأخضر، ومع مرور الأيام دخل اللون الأحمر، واعتمد هذا اللونين ليوم الحناء، أما الثوب الحديث فمع تداخل حضارات الشعوب، والأفكار ،فنجد العروس تلبس لليلة الحناء الثوب الهندي أو الساري الهندي أو أن تعمل ليلة الحناء على الخط (الأستايل) الفكتوري أو أن تكون العروس هي شهرزاد او القصه على الطراز الأسباني، وتداخلت الألوان في هذه الليلة فمثلا تلبس الثوب بلونين الأحمر و الأخضر او التركواز مع الفوشي

ومن العادات والتقاليد القديمة ان تظهر العروس مغطاة الوجه حتى لا يراها الحضور، الا في كامل زينتها في ليله الزفاف ...

ونجي للاكسسوار اللي تلبسه العروسه في هذي الليله

العروس يوم الحنه تلبس الذهب القديم من (( الطاسه - المرتعشه - المعره - الخوص - المضاعد - الخواتم - الحزام - الجف - الشغاب ..... الخ

ونجي للكوشات المخصصه لليله الحنا وهي عباره عن كوشات بسيطه تراثيه

وبعدها تجي العروس تكون زي ماقلنا مغطاه بالشيله وتجلس ع الكوشه وتجي الخضابه((اللي تنقش الحنا)) وتبدا تنقش بيدها ويجون البنات يقعدون حولها وهم بكامل زينتهم وطبعا تكون زينتهم بسيطه يعني جلابيات حلوه ومناسبه لهلمناسبه واكسسوار بسيط .. وتبدا الاغاني القديمه تصدح بالاجواء <<متعوب عليها

وفي بعض الدول الخليجيه بليله الحنا يعرضون جهاز عروسهم للناس ويرتبوهم بشكل مرتب وحلو بصناديق ..

نجي لـ انواع الحناء

فيه النقوش الهنديه ... وفيه الخليجيه والمغربيه والعمانيه والسودانيه و .. الاخ

الحناء الهندي...

من طرف **ريانية العود** الخميس يونيو 30, 2011 3:37 pm

الحناء الخليجي(( الاماراتي))

هذا الحناء يسمى بالدانتيل

((حناء سوداني))

((حناء مغربي))

وبس خلاص تعبتوا

وبعد ماتخلص العروس من الحناء تترك الحناء يجف وتشيله ويصير احلى شي وتنام واحلام سعيده وزواج مبارك وعقبال العزابيه ..

ان شاء الله يكون عجبكم بصراحه تعبت على ماجمعت ورتبت ان شاء الله يكون المووضوع وافي

واضفت معلومات واشياء جديده للي مايعرفون هذي الطقوس...

وسوري احترت مدري وين احط الموضوع باي قسم وان شاء الله اني حطيته بالقسم المناسب

تحياتي

ليلة الحناء الخليجية.....للعروس

ليلة الحناء الخليجية.....للعروس

رد: ليلة الحناء الخليجية.....للعروس