اسباب الهالات السوداء وطرق علاجها والحد منها

[ندعوك للتسجيل في المنتدى أو التعريف بنفسك لمعاينة هذه الصورة]

تعتبر المنطقه المحيطه بالعين آكثر منطقه حسآسه في الوجه وأكثرها تأثراً بالعوآمل الخارجيه أو الداخليه ،
بالإضافه لحركه العيون السريعه ورقه البشره المحيطه عوآمل تخلي هالمنطقه حساسه جداً ، الآهتمام بهالمنطقه من أساسيات المحافظه على البشره .

مآهي الهالات السوداء ؟

عباره عن اسوداد حول العين ، يكون لون الجلد المحيط بالعين آغمق من بآقي الوجه

في درآسه طبيه يقول الدكتور " نبيل نذير الوتار " ان مشكله الهالات السوداء تعد ثآني مشكله شيوعآ بعد التجآعيد .

ولحل أي مشكله لآزم نعرف الأسبآب أولاً حتى نقآومها وبإذن الله نلقى الحل

تفسير الهالات السوداء :

في تفسيرين للهالات السودآء :

- آن آسفل العين مآفي غدد أو دهون وتكون طبقه رقيقه من الجلد ، فَ عشآن كذآ تعكس لون الدم ونتيجه للتعب أو الارهاق يزيد ثاني أكسيد الكربون فَ يتغير لون الدم للون الآزرق وهالشي يعني آن الدم ملوث بَ ثآني أكسيد الكربون أو مواد سامه ، وتظهر الهالات تحت العين .

- آن الاوعيه الدمويه الموجوده آسفل العين يزدآد حجمهآ نتيجه العوآمل المؤثره ( الشمس - الغبآر . . آلخ ) وبالتآلي يزيد الميلآنين " المآده الملونه للجلد "

تتعدد الاقوال والنتيجه وحده [ندعوك للتسجيل في المنتدى أو التعريف بنفسك لمعاينة هذه الصورة]

أسباب الهالات السوداء :

- ورآثي : يعني هالمشكله بالورآثه ، وتلآقي عايله كآمله تعآني من هالمشكله ، وللأسف هذا النوع العلاج فيه آقل فآعليه .

- الأنيميآ ( فقر الدم ) : وله أسباب منهآ الدوره الشهريه وآلحمل والولاده فَ عشآن كذا لآزم البنت تعوض عنصر الحديد اللي تفقده .

- نقص فيتآمين C : هالسبب له علاقه بالآنيميآ لأنه يساعد على امتصاص الحديد من الغذآء ، ولآزم يزيد غآز الآكسجين في الدم عشآن يمتص الفيتآمين .

- قله النوم والسهر : يعني انخفاض المعدل اليومي للنوم ، أو اضطراب مواعيد النوم أو السهر بكثره وآجهآد النفس .

- عدم الرآحه : زي القراءه على ضوء خآفت أو خفيف ، آستعمآل الكمبيوتر ساعات طويله ، برضو الجلوس على التلفزيون ، آو عدم مناسبه النظارات الطبيه للعين .

- النظآم الغذائي : بعض المشروبات وخصوصآ اللي تحتوي على الكآفيين ( القهوه ، الشآي . . آلخ ) تسبب آحيآنآ نقص في فيتآمين E - C - A وبالتآلي تظهر الهالات .

- تقدم البشره في العمر : كل مآ تقدمت البشره في العمر يقل سمكهآ وتصبح رقيقه وخفيفه ويوم على يوم تصير آكثر شفآفيه حتى الآوعيه الدمويه تكون واضحه .

- فرك العين باستمرآر : وهالشي يسبب تلوث بالجلد الحساس الموجود أسفل العين .

- وجود موآد سامه بالدم : زي التدخين يزيد من كميه الدم الغير مؤكسد .

- الآمساك المزمن : سببه آن الدم يكون محمل بكميات كبيره من الغازات السامه وعليها يسبب الهالات السوداء .

- اشعه الشمس : التعرض المباشر لأشعه الشمس يحفز الخلايا الميلانينيه اللي تسبب تصبغ الجلد باللون الغامق الأسود .

- نقص فيتآمين K : فيتآمين ضروري لبنآء البروتينآت اللآزمه لصحه الدم والعظآم وهالفيتآمين يصنع دآخل الجسم في الجهآز الهضمي بس الكميه المنتجه غير كآفيه ، فلآزم نعوض النقص خارجيآ .

- الحساسيه والربو والآكزيمآ : أي مرض منها غالبآ يسبب حكه للعيون ، فَ تنخدش الطبقه الرقيقه تحت العين ويساعد في تلوينها .

- آحتقآن الأنف أو حساسيه الجيوب الانفيه : يسبب اللون الدآكن للجلد المحيط بالعين .

- قله الريآضه : يؤدي آلى بطئ في الدوره الدمويه وتهدل العضلآت .

- التهيج العصبي أو الضغط النفسي أو الانقباض الوعائي الدموي .

- عدم شرب الكفآيه من المآء : آقل شي 7 آو 8 آكوآب يوميآ .

- المكيآج الزآئد : يسبب ارهاق للعين وبالتآلي الهالات .

- كثره تعآطي الأدويه : تسآهم الآدويه اللي توسع الشريآن في ظهور الهآلآت ، لأن الجلد اللي تحت العين حساس جداً ، بالتالي أي زياده في مجرى الدم تكون واضحه .

[ندعوك للتسجيل في المنتدى أو التعريف بنفسك لمعاينة هذه الصورة]

علآج الهالات السوداء :

نجي آلحين لأهم مرحله وهي العلاج .

طبعآ العلاج نقتبسه من الأسباب ، لازم تعكسي كل الاسباب وان شاء الله تنتهي المشكله

العلاج بيجي على مرحلتين ، لآزم أول شي تغيري عاداتك الخاطئه زي السهر والتدخين بعدين تعالجي المنطقه السوداء من الخارج .

حآولي تعآلجي هالمشكله بسرعه ولا تتكآسلي فيها ، لأنها زي الوحش تكبر مع الوقت وتزحف لباقي الوجه .

العلاج ( 1 ) :

- الرياضه تزيد من مستوى الأكسجين في الدم ، تعطي الدم اللون الأحمر الزاهي وبالتالي ينعكس على الجلد .

- النوم الكافي العميق والابتعاد عن السهر .

- عدم التدخين لأن النيكوتين يقبض الأوعيه الدمويه ويلون الجلد باللون الداكن .

- تجنب التعرض للشمس بكثره قد ما تقدري تجنبي هالشي وآذا مجبوره استعملي واقي شمس + نظآرآت شمسيه .

- تجنب الصخب والانفعالات ترآ مافي شي يستاهل تعصبي عشانه ، لآ تزعلي نفسك وتجيبي آمراض لنفسك

- عمل تمآرين استرخآء للوجه والجسم عآمهً ، زي المسآج وكذا اشياء تريحك و تقلل من توترك .

- غسل المكياج لا تتركي للمكياج اثر على وجهك ، آكبر سبب للهالات السوداء .

- مرآجعه الطبيب في حاله كان عندك احتقان انفي أو حساسيه بالأنف

- شرب كميآت كبيره من الماء .

- التقليل من المقليات والأطعمه المجمده والمعلبه .

- حآفظي على نظآم غذآئك ، لا تخليه ناقص ، نقص بعض الفيتامينات يسبب الأمراض .

- التخفيف من المنبهات " القهوه والشاي . . آلخ " .

- احتفظي بجهازك الهضمي نظيف دائمآ .

العلاج ( 2 ) :

علآج المنطقه خارجياً والتخفيف من السواد .

- كمآدات الخيآر أو البطاطس أو الليمون ، تحطي شرائح من الخيار أو البطاطس على العين لمده 20 دقيقه .

- كمآدات من الشآي الدافئ لمده 10 دقايق بعدها كمادات من الشاي البارد لمده 10 دقايق اضافيه .

- كمادات ماء الورد البارد أو ماء بارد عادي لمده 10 دقايق .

- كمآدات من ورق النعناع المدقوق حول العين لمده 10 دقايق .

- كمآدات من القطن المشبع بالحليب لمده 10 دقايق .

- كمآدآت مغلي البابونج ، تحطيها على عيونك لمده 15 دقيقه .

- عصير النعناع ، تدهني المنطقه فيه 3 مرات يومياً .

- استخدآم الزيوت زي ( زيت الزيتون - زيت اللوز - زيت السمسم - زيت المشمش - زيت جنين القمح ) ممكن تستخدم الزيوت مفرده ويفضل خلطهآ .

العلاج بالأدويه :

- آستخدام مبيض البشره آلدوكوين بتركيز 4 %Eldoquin

- كريم سيرنور للهالات cernor under eyes dark circle cream

- كريم Harmonie Soothing Eye Contour Gel

- كريم Levian Eye Contour

- كريم la purezza swiss cosmetics

- كريم Genove K cream

- كريم Clinique Youth Surge SPF 15

- كريم Pre******ives Vibrant

فيه تقنيه طلعت للهالات السوداء ، شي زي الجهآز يبعث نبضات قصيره من الضوء القوي مباشره على الهالات " تحت العين " وهالعمليه دقيقه جداً ، تقلص الأوعيه الدمويه المحتقنه بالدم .

وهالعمليه تحتآج من 3 لَ 5 جلسات علاج ، كل جلسه 10 دقايق تقريباً .

والعلاج هذا فعال لأغلب اللي يعانو من الهالات ، لكن لازم يكون تحت اشراف طبي .

تغطيه الهالات بالمكياج :

[ندعوك للتسجيل في المنتدى أو التعريف بنفسك لمعاينة هذه الصورة]

عندك منآسبه ؟ والهالات يبي لها وقت على مآ تروح وش السوآه ؟

مالك غير علبه مكيآجك وآبدي شغلك

تحتآجي لَ :

- اسآس بلون بشرتك .

- اسآس أفتح من لون بشرتك بدرجه وحده .

- بودره أساس .

الطريقه :

- اول شي اختاري اساس دهني ولونه قوي ، لأن المنطقه تقريباً جافه ولآ تختاريه أفتح من لون بشرتك خليه مقارب جداً للون الأصلي .

- وزعي الكريم باطراف اصابعك على الجفن السفلي ، وباستخدام الفرشه وزعيه بخفه ، خليه متجانس مع لون البشره .

[ندعوك للتسجيل في المنتدى أو التعريف بنفسك لمعاينة هذه الصورة]

- طبطبي على الكريم باطراف اصابعك لحد ما تحسيه اتجانس خلاص ، لا حسيتي الكميه ناقصه زيدي .

- خذي كريم اساس فآتح ، مو مره فاتح ، خذيه أفتح بدرجه وحده بس زي ما قلنا ، وبنفس الطريقه طبطبي عليه لحد ما يتجآنس ، حآولي تكون الكميه قليله ولو نقصت زيدي بمقدآر بسيط جداً .

- آلحين حطي شوي من البودره على الهالات بفرشاه صغيره ، لا تكثري عشان لا تظهر التجاعيد الصغيره .

( حآولي ما تستخدمي اضاءه تحت العين ، عشان بيقلب الهالات للون الرمآدي )

- امسحي الزوائد بمنديل رطب مو مبلل ، هذي النتيجه .

[ندعوك للتسجيل في المنتدى أو التعريف بنفسك لمعاينة هذه الصورة]

اختيار الأساس :

طبعاً اذا انتي مرتاحه لأساسك وزبط معاك خليك خلاص

بس حبيت اقول لكم بعض أسماء كريمات وبودرات الأساس اللي ينصحو فيهآ

[ندعوك للتسجيل في المنتدى أو التعريف بنفسك لمعاينة هذه الصورة]

Givenchy loose compact

[ندعوك للتسجيل في المنتدى أو التعريف بنفسك لمعاينة هذه الصورة]

make up forever shineon powder

[ندعوك للتسجيل في المنتدى أو التعريف بنفسك لمعاينة هذه الصورة]

Bare EscentualsMineral Veil

[ندعوك للتسجيل في المنتدى أو التعريف بنفسك لمعاينة هذه الصورة]

chanel vitalumiere fluide m

[ندعوك للتسجيل في المنتدى أو التعريف بنفسك لمعاينة هذه الصورة]

Benefit Erase Paste

[ندعوك للتسجيل في المنتدى أو التعريف بنفسك لمعاينة هذه الصورة]

Dior skinNude Fresh Glow Hydrating Makeup

[ندعوك للتسجيل في المنتدى أو التعريف بنفسك لمعاينة هذه الصورة]

Lancome teint renergie lift

م.ن

من طرف **zineb** الخميس أكتوبر 20, 2011 6:25 pm

مشكورة موضوع كافي وافي

[ندعوك للتسجيل في المنتدى أو التعريف بنفسك لمعاينة هذه الصورة]

اسباب الهالات السوداء وطرق علاجها والحد منها

اسباب الهالات السوداء وطرق علاجها والحد منها

رد: اسباب الهالات السوداء وطرق علاجها والحد منها

رد: اسباب الهالات السوداء وطرق علاجها والحد منها