حمدان ياحمدان أمك توصيك ، قصيدهـ حزينه

من طرف **أحمد ضياء** الخميس فبراير 10, 2011 1:15 am

هالقصيدهـ كتبتها عجوز في دار المسنين بعد أن اودعها أبنها في الدار
وطالت المدة لثلاث سنوات بدون أن يزورها إبنها بالدار
ورغم كل هذا كانت القصيدة مليئه برحمه وعطف وحنان الأم
الله يخلي لنا امهاتنا يارب ويحفظهم ولايحرمنا و لايطعمنا فراقهم
ويارب تكون هالقصيدة درس للكثير من الأبناء والبنات العاقين
ودرس لزوجات الأبناء الي يحرضون الاولاد على عقوق أمهاتهم
والدنيا دوارة يوم لك ويوم عليك !

وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا

من طرف **الاشبيلي** الخميس فبراير 10, 2011 3:08 am

معبرة جدا بوركت

حمدان ياحمدان أمك توصيك ، قصيدهـ حزينه

حمدان ياحمدان أمك توصيك ، قصيدهـ حزينه

رد: حمدان ياحمدان أمك توصيك ، قصيدهـ حزينه