كيف تنظف جهازك تنظيف كامل من الغبار .. وتخليه كأنه جديد

من طرف **ريانية العود** الجمعة أبريل 06, 2012 1:29 am

[ندعوك للتسجيل في المنتدى أو التعريف بنفسك لمعاينة هذه الصورة]

فيه مجموعة من العلماء المختصين ب علم الميكروبات .. راحوا لشركة وجمعوا
33 كيبورد من مكاتب الشركة .. اختاروا الكيبورد بالذات لأنه أكثر شي يُستخدم
في الكمبيوتر ..

ولقوا من نتائج فحص الكيبوردات * بلاوي متلتله

خلتهم يسمون هالدراسة بـدراسة " الله المستعان " لفحص أجهزة الكمبيوتر .
ولقوا وحدة من لوحات المفاتيح فيها خمسة أضعاف البكتيريا الموجودة في
المراحيض

عقب هالدراسة قالوا العلماء إن سبب هالأشياء هو الأكل عند الجهاز وإن الواحد
يستخدم كيبورده وهو ما غسل يدينه عقب الأكل .. وبرضه قالوا من الأسباب إن
المستخدم يقوم بتعريض الجهاز لأماكن الغبار ولا يحرص على تغطيته ..
وزود على كذا : يدخن عند جهازه .

كل هالأشياء السابقة تعتبر بيئة خصبة لعيش البكتيريا .. يعني الكيبورد اللي
ما يُنظف يعتبر بالنسبة للبكتيريا فلة على شارعين بالشمال .
* جمع مؤنث سالم لكلمة كيبورد

[ وش الأضرار اللي تصير للجهاز إذا ما نظفته ؟! ]
- يتراكم الغبار ويسد منافذ التهوية
- بطء وتعليق الجهاز
- إعادة التشغيل المفاجئ
- يطفي الجهاز فجأة
- إرتفاع حرارة الجهاز
- تقليل الأداء
- تغيير ألوان عرض الشاشة
- جراثيم وبكتيريا

[ طيب وش أستخدم إذا جيت أنظف الكمبيوتر؟! ]
فيه أغراض معينة للتنظيف موجودة في محلات الكمبيوتر العادية ..
وفي جرير و بست .
و بالنسبة لأسعارها : تقريباً تعتبر متوسطة وتتراوح بين 10 إلى 40 ريال .

[ تنبيهات قبل البدء بالتنظيف ]
إيقاف تشغيل الجهاز
+ فصل الكابلات والأسلاك الموصولة بالجهاز
+ إخراج البطارية .
* قبل ما نبدا بتنظيف أجزاء اللاب توب .. نمسح كامل الجهاز
من الخارج بقماش قطني جاف .

[ تنظيف لوحة المفاتيح ]
* تنظيف الكيبورد يمر بثلاث خطوات :

[ندعوك للتسجيل في المنتدى أو التعريف بنفسك لمعاينة هذه الصورة]

الأولى
باستخدام أعواد الأسنان .. ننظف اللي تحت أزرار الكيبورد .. اللي مبطي ما نظف جهازه
بتطلع له بلاوي تخليه يصاب بالوسواس القهري ولا يستخدم الكيبورد مره ثانيه إلا وهو
لابس قفازات [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الثانية>>>>>>>>>>[ندعوك للتسجيل في المنتدى أو التعريف بنفسك لمعاينة هذا الرابط] انا مش مقتنعه بهذي الخطوة بس حبيت تشوفون الطريقة- نستخدم فيها البخاخ ( Compressed Air = الهواء المضغوط )
وطريقته هي رش خفيف من تحت لأنه إذا ضغطناه بقوه بيطلع لنا كمية كبيرة من
السائل .. ولأنها كبيره ما راح يمديها تتبخر كلها .. بعضها بس اللي يتبخر والباقي سائل .
- يكون الرش بشكل مائل من تحت الزر عشان تطلع الأشياء على سطح الكيبورد .
- يفضل إنه يصير معنا عود أسنان ومنديل خلال استخدام البخاخ عشان ننظف اللي يطلع
على سطح الكيبورد .
- عملية التنظيف تكون باتجاه واحد .. يعني نبدا من يمين الكيبورد ونمشي ليساره .
راح نلاحظ خلال التنظيف إن علبة البخاخ سوف تبرد من كثرة الاستخدام .. إذا صارت باردة
مره نتركها شوي تسخن وبعدين نكمل .. طبعا تفسير سبب برودتها هو تفسير فيزيائي بحت
لا يسعنا شرحه في هذا المقام << أقرب مخرج خخخ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

الخطوة الثالثة<<<وبعد هذي الخطوة مش مقتنعه فيها
بواسطة أعواد القطن .. نغمسها بمحلول منزلي عبارة عن مويه وقليلاً من صابون
سائل .. عاد لا أحد يتحمس ويحط منظف كحولي قوي
بعد ما نغمس أعواد القطن بالمحلول .. نستخدمها في تنظيف جوانب الزر لأنها تصير
مغبره .. وإذا جينا ننظف زر معيّن نضغط الزر اللي جنبه عشان يعطينا نتايج أفضل .
ملاحظة : إذا طلّعنا أعواد القطن من المحلول .. نجففها بمنديل قبل ما نستخدمها بالكمبيوترعشان ما تصير مبللة ويدخل المحلول بين أزرار الكيبورد
[ندعوك للتسجيل في المنتدى أو التعريف بنفسك لمعاينة هذه الصورة]

آخر شي
نمسح سطح الأزرار بمناديل التنظيف .. ولا ينفع مناديل مبلله بالماء
لأنها ما تزيل بقع الزيت وبصمات الأصابع .
المناديل هذي تنفع لمسح لكل شي .. وتنظيفها ممتاز .. لو بغيتوا بعد
تمسحون فيها الوجه عقب ال[ندعوك للتسجيل في المنتدى أو التعريف بنفسك لمعاينة هذا الرابط] << عاد لا أحد يصدق الأخيرة ونبلش بكم هههه [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

مكنسة الهواء .. ينفع نستخدمها أثناء استخدام البخاخ ..
عشان إذا طلع شي على سطح الكيبورد نشفطه
تشتغل عن طريق توصليها بمنفذ USB .. وعشاننا مسوين
إيقاف تشغيل للكمبيوتر اللي ننظفه نجيب كمبيوتر ثاني عندنا
ونشبكها فيه .
[ تنظيف الشاشة ]
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

أول خطوة نقوم بـ رش محلول تنظيف الشاشة على قطعة قماش ومن ثم نمسح الشاشة
بهذه القطعة .. ولا ينفع نرش المحلول على الشاشة مباشرة لأنها شاشة كريستال وليست
حوض زرع
فيه طريقة ثانيه أسهل وهي مناديل الشاشة الجاهزة .. نمسح بها مباشره بدون محاليل
أو غيره .. وطريقة التنظيف تكون بحركة منتظمة من الأعلى للأسفل .

[ندعوك للتسجيل في المنتدى أو التعريف بنفسك لمعاينة هذه الصورة]

ثانياً نمسح الشاشة بقطعة قطنية وناعمه ، قطنية عشان مايكون فيها شحنات كهربائية ..
و ناعمه لأن الخشنة تخدش سطح الشاشة ( مهيب سهله شاشة الكريستال .. طلعت كيوت)فيه شغلة مهمه لازم ننتبه لها أثناء التنظيف : وهي إننا نضغط برفق ولطف على الشاشة
لأنها حساسة وتتأثر .
ثالثاً بالنسبة للزوايا .. نلف منديل مبلل على عود أسنان وننظف به .
[ تنبيهات أثناء تنظيف الشاشة ]
- إذا جينا ننظف الشاشة نخليها على جنب عشان توضح لنا البصمات واللطخات .
- نتجنب استخدام المناديل الورقية / الجرايد / منشفة استحمام / مناديل / منديل المائدة .
- لازم ننتبه لشغلة مهمة في محلول الشاشة .. وهي إن المحلول لازم يكون خالي من
مادة الأمونيا " نشادر " لأنها تقلب ألوان الشاشة وتشوّه عرض الصورة .
- يمنع استخدام الماء العادي لأنه يترك آثار شبيهة بالخطوط البيضاء على الشاشة .
وعشان ما نقع في الأخطاء السابقة .. من الأفضل إننا نستخدم مناديل الشاشة الجاهزة .
( نفسها مناديل الكيبورد ) .

[ تنظيف الـ TouchPad ]

[ندعوك للتسجيل في المنتدى أو التعريف بنفسك لمعاينة هذه الصورة]

أحيانا تنظيفه يطوّر من سرعة استجابته .. ننظفه بالمناديل المبللة ..
وعشان نكون أكثر دقة ناخذ عود أسنان ونلف عليه المنديل المبلل
وننظف الزوايا .
[ تنظيف المنافذ ]
[ندعوك للتسجيل في المنتدى أو التعريف بنفسك لمعاينة هذه الصورة]

نلف منديل مبلل على عود أسنان وننظف به .. وبرضه نستخدم
البخاخ عشان الغبار .. بس المنافذ اللي فيها مراوح ما ينصح
باستخدام البخاخ لأنه أحيانا يخلي المراوح تدور بسرعه وتندمر
أو تتلف وعشان مانقع في هال[ندعوك للتسجيل في المنتدى أو التعريف بنفسك لمعاينة هذا الرابط] نستبدل الهواء المضغوط
بأعواد أسنان .
[ تنظيف المراوح الداخلية ]
يفضل إنها تكون عند الوكيل لسببين : عشان ما يروح عليك الضمان
إذا فتحت الكمبيوتر + صعوبة تركيب الجهاز بعد فتحه .
[ تنظيف محرك الأقراص ]
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

فيه سي دي جاهز يجي معه سائل تنظيف ..<<<<اول مرة اسمع بهذا الشي

طريقته إنك ترش السائل على السي دي
وتحطه في محرك الأقراص .. وفكرته هي وجود فرشة صغيرة .. إذا حطينا السي دي
في محرك الأقراص راح تدور الفرشة وتنظف الغبار .
[ تنظيف الـ CD ]
فيه طريقة يدوية معروفة لتنظيف السي دي وهي إنك تنظفه بقطعة قماش ناعمه وبطريقة
منتظمة من الداخل للخارج وعلى شكل عقارب الساعة الخ
بس هالطريقة ممكن ما تتم بشكل صحيح مما يسبب تلف معلومات السي دي .. لذلك من
الأفضل استخدام أجهزة مخصصة لتنظيف السيديهات .. موجودة في جرير .
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
طريقتها هو رش سائل على سطح السي دي بعدين نحطه داخل الجهاز ومن ثم نغلق
الجهاز ونلفه بشكل دائري مثل الرحى لمدة 15 – 30 ثانية .
* فيه قلم خاص بالتنظيف وشغلته إنه يمسح المكتوب على السي دي
جربته على سي دي قديم له فوق سبع سنوات ولا مسح .. بس السيديهات الجديدة مسحها ..
يجي هالقلم مع مجموعة تنظيف كاملة .
[ ما بعد التنظيف ]
- نترك الجهاز شوي عشان ينشف بعدين نفتحه
- نستخدم أغطية الحماية حقت الشاشة والكيبورد ونضعهم على الجهاز عشان
تحفظه من الغبار والأشياء الأخرى .
- نحرص على ترك مجال للتهوية خلف جهاز الديسكتوب وخلف الشاشة وتحت اللاب توب .
- عدم الأكل والتدخين عند الجهاز .
[ كم مره لازم أقوم بعملية التنظيف للجهاز ؟! ]
تنظيف خارجي مره كل أسبوع ( مسح الجهاز من الخارج بقطعة قماش)
تنظيف شامل مره كل شهر أو شهرين ( مثل اللي بالموضوع)
تنظيف داخلي للمراوح مره كل عام .

وَ وَ وَ سسسَلآمتكم [ندعوك للتسجيل في المنتدى أو التعريف بنفسك لمعاينة هذه الصورة]

من طرف **بريق الكلمة** الجمعة أبريل 06, 2012 12:19 pm

عمل شاق جدا ....
اظن العملية ابسط من هذا ههههههه
شكرا ريانية

من طرف **ريانية العود** الجمعة أبريل 06, 2012 3:25 pm

عمل شاق استاذي

علشان كذا كمبيوترك المرحوم كان مخنوق من عدم التنظيف فانتحر

وضاعت كل المعلومات

هذة الطريقة المثلى للعناية بلاب التوب

حافظ على جهازك الجديد

تحياتي القلبية وشكرآآآآ للمرور