قصة شاب احب فتاة فا تخلت عنه بعدما عرفت انه اعمى

قصتنا بتحكي عن قلب بيبكي وعن عين بتدمع والناس تسمع وقصتنا الحقيقية راح تسمعوا حكاية صارت بين الناس رواية كان يامكان من قريب مش من زمان كان في بنت عميا ماكانت تعرف حلا الورد ولا وسع الارض ولا تعرف لون السما الزرقا شو كانت تحب يكون لها دور مهم بالدنيا مثل ماكانت مهمة للشب اللي بحبها ولي كانت بالنسبة اله حياته وحبه الغالي مع انها كانت عميا كان بيحبها كتير وتهمه سعادتها اكثر من اي اشي بالدنيا شو كان حلمه انه بيوم من الايام يجمعهن القدر سوى وبيعيشوا على طول سوى كانت ديما تقل اذا يوم من الايام بفتح وبشوف يتحقق الحلم ونتجوز وبيوم من الايام حالفها الحظ الحلو وطلبوها لحتى تعمل عملية زرع عيون راحت وعملت العملية شو كانت حلوة اللحظة اللي فيها فتحت عيونها وشافت حلى الدنيا راحت بتركض في الطرقات تبشر حبيبها بالخبر الحلو بس لما وصلت لا عندو اتضحلها انو اعمي مثل ماكانت من قبل اتطلعت فيو وقالت ماتزعل مني بس انا مابقدر اكمل حياتي مع شاب اعمى وتركت واختفت زعل كتير الشاب وبتملكه الياس وكرهه الحياة وبقرر ان ينهي حياته بايده بس قبل ما يرحل عن الدني تركلها رسالة مكتوب فيها بعرف انك تخليتي عني بسهولة بس وحياتك ما تتخلي عن عيوني ياللي قدمتلك ياهن هدية