حواريه عابرة ..لكم سرد وقائعها

الشاعر راشد
مسيت انا ( ريّانة العود ) بالخير + بالخير لكن هالمسج مامداني
مادام للتسليم يوصلك تقرير + هذا يعبّر عن جزيل امتنانــــــي

ريانة العود:
ماادور ابطرق المواليف تحرير + ابحث عن استعمار بين المحاني
مسيتني بالخير في حزّة اعصير + الله يمسّي خاطرك بالحنانــــــي

الشاعر راشد:
مكسب قلوب الناس اجمل تعابير + دام البنادم تالي العمر فانــــي
وانته هديّه من صروف المقادير + يمكن ولا مرّه زماني هداني!!

ريانة العود:
من شان ماجوب الوفا حزت تأثير + واسهمت بالتقدير .. رصّ المباني
الله كتب لي في تواصلك تعمير + في مجمل الاحساس قاصي ودانـــــي
اكنّ لك هيبه ومشروع توقير + وابد لك وجدٍ وقدرن ..وشانـــــــــي

الشاعر راشد:
ياماحلا خط الشعر والتفاسير + معقول هذا منك كله عشانـــــــــي !
حسّيت في حقك ياغالي ابتقصير + مهما فديت القاف ولا فدانـــــي
ياصادق الاحساس وين الجماهير ؟+ عن هالقصيد وطبعك المرحباني
والله بلا حلفان لو كنت انا طير + لاكتب قصيدك ف السما في مكاني
لكن انا انسان واحب واغير + من بد هالعالم سكنت ابكيانــــــــــــي

ريانة العود :
ماناحت الورقا وماغرّد الطير + وما لعلع الجمري ..وماعود لانـــــــــي
ومايحوي المعنى صميل التفاسير + ومايدرك المؤمن من الفرض عاني
لوتامر ابطرقي ( حليب العصافير) + اعتّ به لعيون زين المعانـــــــــي

تأخر الشاعر في الرد هنا
ريانة العود:
الحق..!! لقيت خيول فكري طوابير + آمدهن طاريك واسجّ ثانــــــي
وان عدتهن في غدوة الوقت تبشير+ يتلاحقني حين بحري طمانـــي
يمكن عشانك رابي ابعيني اكبير ؟!+ ويمكن عشاني وافيٍٍ في زماني

!
الشاعر راشد:
شكل العواصف في قصيدك اعاصير + يشبه دمار الشرق والا عماني
ولا اتسونامي ولا جونو ابتكرير + اهل الجزر تخشاك حتى الايراني
ياويل من ينصاك بالشعر بيصير + مثل السوداني لازقرته سوداني
تتحطم آماله ويشهق يتنفير + ويقول انا وقتي تردا وشانـــــــــــي

ريانة العود:
الزود زودك ماكتبته قناطير + ولا جنابك.. فاض سيل الزباني
ماترنو ابياتي كبار الهوامير + اللي قوافيهم تفجّ المكانـــــــي

الشاعر راشد:
يكفي تواضع حضرتك ياهوى غير + مثل القنوع اللي رضى بالتفاني
شفت النشاما مادنايا محاذير + يالله عسى يفداك كل شخص دانـــــي

ريانة العود :
ياضي حرفي ..يالحروف المسافير+ يابخت وقتي .يوم حظي عصانـي
مسيتني بالخير ..وامسيت في خير + وانته عسى ايامك سعود وتهاني
عن وصل مثلك ماندوّر معاذير +الا اذا حدّ الاماني .. ( زمانـــــــــي

الشاعر راشد :
يالله عساها ماتدور المقادير + بيني وبينك او تخيب الاماني
مادام هالموجات منكم مسايير + تكفي رسايلكم كثر مالفانــي

ريانة العود:
ليت القوافي من رشا جبّ ذا البير + ماينضب اقصاها مديد الثواني
باحات يوفي عامراتٍ نوافير + وطروف روحي زرعها اقحوانـــــي
ختمت جيلي معك ..تدبير تفكير + ولا الخفايا ..سردها ..مامدانــــي

كلمات أعجبتني فنقلتها لكم

من طرف **عادل لطفي** الخميس فبراير 03, 2011 9:18 pm

شكرا لكي
مناظرة في قمة الروعة
وكلمات رائعة
أنتقاء متميز
من قلم مميز
جزاكي الله كل الخير

من طرف **عذب الكلام** الأحد فبراير 06, 2011 1:00 pm

شكرا لك
أنت المميز بذوق

حواريه عابرة ..لكم سرد وقائعها

حواريه عابرة ..لكم سرد وقائعها

رد: حواريه عابرة ..لكم سرد وقائعها

رد: حواريه عابرة ..لكم سرد وقائعها